சாக்கோட்டை வீரசேகர உமையாம்பிகை கோயில் - இரண்டு கொடிமரங்கள்.

சாக்கோட்டை வீரசேகர உமையாம்பிகை கோயில் - இரண்டு கொடிமரங்கள்.

சாக்கோட்டை வீரசேகர உமையாம்பிகை கோயில் சிற்பங்களை முன்பே பகிர்ந்துள்ளேன். இங்கே சாமிக்குத் தனியாகவும் அம்பாளுக்குத் தனியாகவும் இரண்டு கொடிமரங்கள் உள்ளன.

முழுமையாக வீரவனப் புராணம் பற்றி இங்கே படிக்கலாம். 

சில படங்களைப் பகிர்ந்துள்ளேன். திருவிழா சமயம் என்பதால் அலங்காரத்தில் ஜொலித்தது கோயில்.

அழகு மணிகள் - வேண்டுதல் மணிகள்.

சாக்கோட்டைகோயில். வீரனும் மன்னனும் அந்தணனும் அகத்தியரும்.

சாக்கோட்டைகோயில். வீரனும் மன்னனும் அந்தணனும் அகத்தியரும்.

///ஒரு காலத்தில் வனமாக இருந்த இப்பகுதிக்கு வந்த ஒரு வேடன் ஒரு மரத்தின் அருகிலிருந்த வள்ளிக்கிழங்கு கொடியைக் கடப்பாரை கொண்டு தோண்டினான். அந்த இடத்தில் இருந்து இரத்தம் பீறிட்டது. ஆச்சர்யமடைந்த அவன், நிலத்திற்கு கீழே பார்த்தபோது, லிங்கம் ஒன்று புதைந்து இருந்தது. அந்த அதிசயத்தை வேடுவன் ஒரு மன்னரிடம் கூற அந்த சோழ மன்னனும் அங்கேயே அதற்கு ஒரு ஆலயம் எழுப்பினார். அந்த ஆலயப் பெருமையைக் கூறுவதே வீரவனப் புராணம் என்பது.  இந்த கோவிலின் முக்கிய அம்சமாக இக்கோவிலின் கோபுரம் உள்ளது. ஏனெனில் இக்கோபுரம் முழுமையான கூம்பு அமைப்பை பெற்றுள்ளது. இப்படி ஒரு அமைப்பை தமிழ் நாட்டில் உள்ள எந்த ஆலயத்திலும் காண முடியாது.  
இந்த புராணம் காலம் சென்று விட்ட மகா வித்வான் திரு மீனாஷி சுந்தரம் பிள்ளை என்பவரால் 1900 ஆண்டிற்கு முன்னால் ( 1862 ஆம் ஆண்டு வாக்கில் இருக்கலாம் ) எழுதப்பட்டுள்ளது என்று கூறுகிறார்கள்.///

இந்த ப்லாகில் இதைப் பற்றிப் படித்தேன். அத்துடன் நான் எடுத்த புகைப்படங்களைப் பகிர்ந்துள்ளேன்.  

முழுக்கதையையும் இங்கே படியுங்கள். 

 கூம்பு வடிவ கோபுரம்.

வீரன் ??

சாக்கோட்டை வீரசேகர உமையாம்பிகை புறவாயிற் சிற்பங்கள்.

 சாக்கோட்டை வீரசேகர உமையாம்பிகை புறவாயிற் சிற்பங்கள்.

காரைக்குடிக்கு அருகில் இருக்கும் சாக்கோட்டை வீர சேகர உமையாம்பிகை கோயிலுக்குச் சென்றபோது அதன் வெளி மண்டபத்தில் அழகழகான சிற்பங்கள் வண்ணக் கோலங்களில் கண்ணைக் கவர்ந்தன. அங்கே நான் எடுத்த சில புகைப்படங்கள் உங்கள் பார்வைக்கு.

இந்தக்  கோயில் 500 -1000 ஆண்டு பழமை வாய்ந்தது. ஈசன் வீர சேகரர் என்ற திருமுடி தழும்பர் , அம்மை உமையாம்பிகை. ஸ்தலமரம் வீரை மரம். புஷ்கரணி சோழ தீர்த்தம். இது பத்தின சுவாரசியமான கதைகளை இங்கே படித்தேன். வீரவனப் புராணம் என்று சாந்திப் ப்ரியா ப்லாகில் என் ஆர் ஜெயராமன் என்பவர் எழுதி இருக்கிறார்.

எழுநிலைக் கோபுரம், விக்ரம விஜய விநாயகர், இரட்டை நாய் வாகனத்துடன் கூடிய பைரவர், சுயம்பு மூர்த்தியான வீர சேகரர் இக்கோயிலின் சிறப்பு. புழுங்கல் அரிசி சாதம் படைக்கப்படுது. குழந்தைப் பேறு கிட்டவும்., கண் நோய்கள் நீங்கவும் இங்கே வேண்டிக்கிறாங்க.

சோழ அரசனும் பாண்டிய அரசனும், குபேரனும் கூட வழிபட்ட ஸ்தலம். வீரன் என்னும் வேடன் வள்ளிக்கிழங்குக்காகத் தோண்ட அங்கே கிடைத்த மூர்த்தியாதலின் இம்மூர்த்திக்கு வீர சேகரர் என்றுபேர். இந்த ஊருக்கும் வீரவனம் என்று பேர் இருந்திருக்கு.

கோஷ்ட தெய்வங்கள் என்றும் சொல்லலாம். அழகான திருவாச்சிகளுடன் அம்பிகைகள் காட்சி தரும் அழகே அழகு. இவற்றைப் பெரியவெங்காவயலைச் சேர்ந்த  கே. செல்வராஜ் ஸ்தபதி அழகுற வண்ணம் தீட்டி உள்ளார்.

அழகென்ற சொல்லுக்கு முருகன் வெளிப்புற மண்டபத்தின் வலப்பக்க முதல் தூணில் காட்சியளிக்கிறார்.