சொக்கேட்டான் கோயில்

சொக்கேட்டான் கோயில்

 சொக்கேட்டான்  கோயில், சொற்கேட்ட  விநாயகர் ,சொற்கேட்டான்   கோயில், சொல் கேட்ட ஐயா ஆகிய பெயர்களோடு விளங்கும் விநாயகரை சிலநாள் முன்பு தரிசித்தோம்

Sorkettan koil

காரைக்குடிக்குப் பக்கமுள்ள பள்ளத்தூர் வேலங்குடியில் கோயில் கொண்டிருக்கும் இறைவனே சொற்கேட்ட விநாயகர். இவரின் சன்னதி வாசலில் நின்று என்ன வேண்டிக் கொண்டாலும் அது அப்படியே பலிக்கும் என்பதால் பக்தர்களின் சொல் கேட்ட விநாயகர் என்ற பெயர் பொருத்தமாய் விளங்குகிறது. இதைப் பேச்சு வழக்கில் சொக்கேட்டான் கோயில் = சொக்கட்டான் கோயில்  என்கிறார்கள்.

Sorkettan Vinayagar

இந்தக் கோயிலில் ஒரு சிறப்பம்சம் கருவறை மேற்கூரை தென்னங் கூரையில் வேயப்பட்டது. இவருடன் இருபுறமும் எல்லாக் கோயில்களிலும் ராகு கேது என்ற இரு நாகர்கள் மட்டுமே எழுந்தருளி இருப்பார்கள். இங்கு பக்கத்து மூன்று வீதம் நாகர்கள் எழுந்தருளி அருள் பாலிக்கிறார். அதிலும் சிவன், நர்த்தன  கிருஷ்ணன், ஆகியோரும் இருக்கிறார்கள்.

இறைவன் குருந்தமரத்தடியில் எழுந்தருளி உள்ளார். இவருடன்  முனீஸ்வரரும் ஐக்கியமாகி இருக்கிறார். சுற்றுப் பிரகாரத்தில் ராகு கேது முருகன் ஆகியோருக்கு தனிசந்நிதி உள்ளது

செவ்வாய், வெள்ளி, சிவன் ராத்திரி விசேஷமா கொண்டாடப்படுது. பூச்சொரிதல் விசேஷம். விநாயகர் சதுர்த்தி அன்று முத்து அங்கி சாத்தி வழிபடுறாங்க.

நிறையப்பேர் பொங்கல் வைத்து மோதகம் வடை படைத்து வாங்குறாங்க. வேண்டுதல் நிறைவேறியவுடன் அன்னதானம் செய்றாங்க.

அந்தக் குருந்த மரத்தில் பிரார்த்தனைத் தொட்டில்கள் காணப்படுகின்றன. கோயிலுக்கு முன்பும் நிறைய நாகர்கள் அரசமரத்தடியில் பிரதிஷ்டை செய்யப்பட்டுள்ளார்கள்.

sivan koil 

sivan koil 

மிகப்பெரும் ஊரணி ஒன்று சிறிதளவு தண்ணீருடன் காணப்படுகிறது. இதன் முன்பு ஒரு சிவன் கோயிலும் ஒரு பெருமாள் கோயிலும் இருக்கின்றன.

sivan koil 

Perumal koil 

இவர் முன்னே நிக்கும்போது ரொம்ப பவர் ஃபுல்லா உணர்ந்தேன். மிகவும் அருளாட்சி பெற்ற கோயில் இது.  காரைக்குடிப் பக்கம் வரும் வாய்ப்பு கிடைத்தால் ஒருமுறை சென்று தரிசித்து வாருங்கள்.