மாத்தூர்க் கோவிலில் பிரமோற்சவம்.

மாத்தூர்க் கோவிலில் பிரமோற்சவம்.

மாத்தூர் பெரியநாயகி சமேத ஐநூற்றீசுவரர் கோவிலில் வருடந்தோறும் மாசி மாதம் பிரமோற்சவம் நடைபெறும். அப்போது சுவாமிகளை ஊர்வலமாக எழுந்தருளப் பண்ணுவார்கள். மாத்தூர்க் கோவிலில் புள்ளிகள் அதிகம் என்பதால் அந்தப் பத்து நாட்களுக்குள் இரண்டு ஊர்க்காரர்கள் சேர்ந்து மண்டகப்படி செய்வது வழக்கம்.

கானாடுகாத்தான் பங்காளிகள் ( எங்கள் ) மண்டகப்படி அன்று ஒருமுறை நானும் சென்று கலந்துகொண்டேன். ஒவ்வொரு நாளும் ஒவ்வொரு வாகனம். ரிஷபம், காமதேனு, யானை, சிங்கம், மயில் என்று விதம் விதமாய் உலா இருக்கும்.

நாங்கள் சென்ற அன்று ரத ஊர்வலம்.

மாத்தூர் - சில சிறப்புகள்.

மாத்தூர் - சில சிறப்புகள்.

கொங்கணச்சித்தர் தாமிரத்தைத் தங்கமாக்கி ஐநூறு மாற்றுத்தங்கம் உருவாக்கிய இடம், அவரை ஐநூற்றீசுவரர் ஆட்கொண்ட கோவில், நட்சத்திர விருட்சங்கள் நிரம்பிய கோவில், இயற்கை சாளரமுறையில் கருவறை வரை அமைக்கப்பட்ட கோவில், திருவோடு மரமும் வில்வமரமும் இருக்கும் கோவில், மாப்பிள்ளை நந்தி எனப்படும் சிம்ம நந்தி ( கல்யாண நந்தி அருள் பாலிக்குமிடம்) , ஆயுள் வழங்கும் ஆனந்த முனீஸ்வரரும், ஐநூற்றீசுவரரும் அருளாட்சி செய்யுமிடம், இரட்டை பைரவர்களுடன் காலபைரவர் காட்சி தரும் ஸ்தலம் ,பல நூற்றாண்டுகள் தாண்டியும் காட்சி தரும் ஸ்தல விருட்சமான மகிழ மரம், சிம்ம யாளிகள், நகர விடுதி, பசுமடம் ஆகியன உள்ளன. பசு ஸ்தோத்திரம் எழுதப்பட்டிருப்பது இங்கே மட்டுமே.

எவ்வளவு பிரம்மாண்டமான கோயில் வாசல். இங்கே புள்ளிகள் அதிகம் என்பதால் வரவும் அதிகம். அதனால் மாத்தூர்க் கோயிலும் விடுதியும் ( இப்போது தங்கும் அறைகளும் உள்ளன )  எப்பவுமே அழகாகப் பராமரிக்கப்படும்.