நரியங்குடி கருங்குளம் ஆதீனமிளகி ஐயனார் காட்டுக்கருப்பர் கோயில் புரவியெடுப்பு
கோடை காலம் வந்துவிட்டது. இனி குலதெய்வம் கும்பிடுதல், அம்மன் கோயில் திருவிழாக்கள், கூழ் ஊற்றுதல் பூச்சொரிதல், தேரோட்டங்கள், தெப்பம், செவ்வாய் என தமிழக கிராமத்து ஊர்கள் களை கட்டி விடும்.
வெய்யில் சுட்டெரிக்கும் கோடையையும் திருவிழாக்களால் கொண்டாடுகிறார்கள் நம் மக்கள். அவற்றுள் முக்கியமான ஒன்று புரவியெடுப்பு. இது பொதுவாக இரு வருடங்களுக்கு ஒரு முறை நடைபெறுகிறது. சில பல லட்சங்கள் செலவு செய்து ஊர் கூடி இத்திருவிழாவை நடத்துகின்றார்கள்.
விவசாயம் செழிக்கவும், நோய் நொடி அண்டாமல் இருக்கவும் கொண்டாடப்படும் திருவிழா இயற்கையைச் சமன் செய்வதிலும் முக்கியப் பங்கு வகிக்கிறது.
 |
| பாரம்பர்யக் கரகக் கலை. |
முதலில் ஒரு நல்ல நாளில் புரவி செய்யப் பிடி மண் எடுத்தல் என்ற நிகழ்ச்சி நடைபெறுகிறது. அதன் பின் அதனை ஒரு கலைஞர் ( குயவர் ) புரவியை வடிவமைக்கிறார். பொதுவாக இரு பெரும் புரவிகளும், ஐந்து சிறு புரவிகளும் வடிக்கப்படுகின்றன. ஐயனார் சிலை ஒன்றும் செய்யப்படுகின்றது.
வெண்மை நிறமே முக்கியத்துவம் கொடுத்து அடிக்கப்படுகிறது. வெண் புரவிகள். அதன் பின் அவை வடிக்கப்பட்ட கலைஞரை முன் வைத்து ஊர்வலமாக அழைத்து வரப்படுகின்றன. ஊர்வலத்தின் முன்னே எலுமிச்சை குத்திய ஐயனாரின் அரிவாளைச் சுமந்து வேளார்கள் வருகிறார்கள்.
கொடிகளும் குடைகளும் சூழ சாமியாட்டம் நடைபெறுகிறது. புரவிகள் கொட்டும் பறையும் கொம்பும் எக்காளமும் மேளதாளமும் முழங்க ஊர்வலமாக எடுத்து வரப்படுகின்றன.
சாட்டையால் அடித்துக் கொண்டு ஆண்களும் சாமி வந்து பெண்களும் ஆடியபடியே வர வேட்டி துண்டு அணிவித்து பரிவட்டம் கட்டப்பட்ட புரவிகள் மாலை மரியாதையோடு சுமந்து வரப்பட்டு கோயிலுக்குள் எடுத்துச் செல்லப்பட்டு நிறுவப்படுகின்றன.இதற்கென முன்பே மருந்தைச் சேர்த்து இடித்து உருட்டி வைத்திருக்கின்றார்கள்.
2011, 2013, 2015 என இரண்டு வருடங்களுக்கு ஒரு முறை இத்திருவிழா கோலாகலத்தோடு நடைபெறுகிறது. இனி 2017 இல் இருக்கும். குழந்தை வரம் வேண்டியும் நிறையப் பேர் நேர்த்திக் கடனை நிறைவேற்றுகின்றார்கள்.
https://www.facebook.com/nnagarathar/posts/465034140254140
நரியங்குடி புரவியெடுப்பு
Posted by Muthu Sabarathinam on Tuesday, June 4, 2013
https://www.facebook.com/muthu.sabarathinam/videos/vb.100001640949200/932955616769128/?type=3&theater
https://www.facebook.com/muthu.sabarathinam/videos/vb.100001640949200/932991636765526/?type=3&theater
Posted by Muthu Sabarathinam on Tuesday, June 2, 2015
Posted by Muthu Sabarathinam on Tuesday, June 2, 2015
நரியங்குடி புரவியெடுப்பு
Posted by Muthu Sabarathinam on Tuesday, June 4, 2013
டிஸ்கி:- புரவி எடுப்புப் புகைப்படங்கள் என் அம்மா ( வலைப்பதிவர் - சும்மாவின் அம்மா - திருமதி. முத்து சபாரெத்தினம் அவர்கள் எடுத்தது. வீடியோவும் அம்மா எடுத்ததுதான். இன்னும் புரவி ஊர்வலமாகக் கொண்டு வரப்படும் புகைப்படங்களை இன்னொரு இடுகையில் பகிர்கிறேன்.
இவற்றையும் பாருங்க.
வை.கோபாலகிருஷ்ணன்14 மார்ச், 2016 ’அன்று’ முற்பகல் 11:30
பதிலளிநீக்குஇந்த ஆண்டு நடைபெறாவிட்டாலும்,
இந்தப் பதிவினிலேயே திருவிழா களைகட்டியுள்ளது.
படங்களெல்லாம் அழகாக உள்ளன.
டண்டக்கு டண்டக்கு டண்டக்கு டண்டன்,
டண்டக்கு டண்டக்கு டண்டக்கு டண்டன் ! :)
பதிலளிநீக்கு
Thulasidharan V Thillaiakathu14 மார்ச், 2016 ’அன்று’ பிற்பகல் 12:26
புகைப்படங்களுடன் தகவல்களுக்கு நன்றி சகோ. முதல் முறை அறிகின்றோம்.
பதிலளிநீக்கு
Yarlpavanan14 மார்ச், 2016 ’அன்று’ பிற்பகல் 9:52
சிறந்த பகிர்வு
பதிலளிநீக்கு
Thenammai Lakshmanan15 மார்ச், 2016 ’அன்று’ பிற்பகல் 2:27
நன்றி விஜிகே சார்
நன்றி துளசி சகோ
நன்றி யாழ்பாவண்ணன் சகோ
பதிலளிநீக்கு
Thenammai Lakshmanan15 மார்ச், 2016 ’அன்று’ பிற்பகல் 2:27
வலைப்பதிவர் ஒற்றுமை ஓங்கட்டும்.!
என்றும் நம்முள் வலிமை பெருகட்டும்.!