பூங்காவுக்குள் இரு புராதனக் கோபுரங்கள்.

பூங்காவுக்குள் இரு புராதனக் கோபுரங்கள்.

இரண்டாம் ராஜ ராஜசோழனால் கட்டப்பட்ட தாராசுரம் கோயில்களைச் சுற்றிப் பிரம்மாண்டமான பூங்காவும் புல்வெளியும் அமைக்கப்பட்டுப் பராமரிக்கப்பட்டு வருகிறது.

அழிந்து வரும் நினைவுச் சின்னங்களைப் பாதுகாக்க யுனெஸ்கோ எடுத்திருக்கும் அதிரடி முயற்சி இது. இருந்தும் அங்கங்கே மக்கள் குப்பைகளைப் போட்டுவிட்டுத்தான் செல்கிறார்கள்.

இந்தியாவின் தொல்பொருள் துறையினாலும் , தமிழ்நாடு அறநிலையத் துறையினாலும் பராமரிக்கப்பட்டு வருகின்றன இக்கோயில்கள். இரு கோயில்கள் என்றா சொன்னேன் ஆம் பக்கத்திலேயே  வேதவல்லி அம்மனுக்குத் தனிக்கோயில் கட்டப்பட்டிருக்கு.  சுற்றிலும் பூங்கா போன்ற எஃபெக்ட்.

வேதவல்லி அம்மன் கோயில் கோபுரம் நான்கு முகம் கொண்ட கோபுரம் போன்றது.

ஐராவதேசுவரர் கோயில் கோபுரம் தஞ்சை சிவன் கோயில் பாணியில் கட்டப்பட்ட நாற்சதுரக் கோபுரம்.

அகழி போல் கோயிலைச் சுற்றிலும் மழைநீர் ஓடப் பள்ளம்,

ரிஷபம் சுமந்த மதில்கள் என அக்காலக் கோட்டைகளை நினைவுபடுத்துகிறது கோயில் எதிர்த்தாற்போல ஒரு கோபுரமற்ற கோயில் நுழைவாயில் போன்ற அமைப்பு காணப்படுகின்றது.

கோயிலுக்குச் செல்லும்போதும் வெளிவரும்போதும் மிகவும் புத்துணர்ச்சியாக உணரவைத்தது இந்தப் பூங்கா.  மிக அருமையான பராமரிப்பு.

கடவுள் குடியிருக்கும் இடங்களைச் சோலை என்று சொல்வதுண்டு. மாலிருஞ்சோலை என்று பாடல்களில் திருமால் ( கள்ளழகர் ) குடி கொண்ட பழமுதிர் சோலை பற்றி வரும்.  வரும். ( ஞாபகம் வரமாட்டேங்குது அந்தப் பாடல் . ) ஆனா இங்கே நிஜமாவே சோலைக்குள் இருக்கின்றன  கோயில்கள்.

சென்று தரிசித்துப் புத்துணர்ச்சி அடைந்து வாருங்கள்.