தெய்வங்களும் திருத்தலங்களும்: ஸ்ரீ மஹா கணபதிம். கணபதியே வருவாய் அருள்வாய்.

ஸ்ரீ மஹா கணபதிம். கணபதியே வருவாய் அருள்வாய்.

கணபதியே வருவாய் அருள்வாய்
(கணபதியே)
மனம் மொழி மெய்யாலே தினம் உன்னைத் துதிக்க
மங்கள இசை என்தன் நாவினில் உதிக்க
(கணபதியே)

ஏழு சுரங்களில் இன்னிசை பாட
எங்கணும் இன்பம் பொங்கியே ஓட
தாளமும் பாவமும் ததும்பிக் கூத்தாட
தரணியில் யாவரும் புகழ்ந்து கொண்டாட
(கணபதியே)

தூக்கிய துதிக்கை வாழ்த்துக்கள் அளிக்க
தொனியும் மணியென கரென் றொலிக்க
ஊக்குக நல்லிசை உள்ளம் களிக்க
உண்மை ஞானம் செல்வம் கொழிக்க

(கணபதியே)

ஸ்ரீ மஹா கணபதியே நமஹ.

கோவை ஆர் எஸ் புரம் அன்னபூரணாவின் கீழ்த்தளத்தில் இருக்கும் விநாயகர்.

எங்கள் புதுவீட்டில் எங்களை வரவேற்ற விநாயகர்கள் இவர்கள் இருவரும். :)

இவர் இரணியூரில் அஷ்டலெக்ஷ்மி மண்டபத்தூணில் குடியிருக்கும் விநாயகர்.

இவர்கள் ஜெர்மனி ஹம் காமாட்சியம்மன் கோவில் வாசலில் இருபுறமும் வீற்றிருக்கும் விநாயகர்கள். ஒருவர் புத்தரைப் போலக்காட்சி அளிக்க இன்னொருவர் மோதகம் ஏந்திக் காட்சி அளிக்கிறார்.