மாமல்லபுரம் கடற்கரைக் கோயில்.

மாமல்லபுரம் கடற்கரைக் கோயில்.

மாமல்லபுரம் கடற்கரைக் கோயில்.

கருங்கற்களால் ஆன கட்டுமானக் கோவில் பாணி வகையில் மிகப் பழமையான கட்டிடம் முகுந்த நாயனார் கோவில் ஆகும். இதற்குப் பின் வந்தவை முறையே கலங்கரை விளக்குக்கு மேல் தட்டிலும் கடற்கரையிலும் எழுப்பட்டுள்ள கணேச்சுவரர், ராஜசிம்மேச்சுவரர். க்ஷத்திரிய சிம்மேச்சுவரர் முதலியவையும் ஆகும்.

தென்னாட்டுக் கோவில்களின் முழுமையான நிலப்பட அமைப்புக்கு அரிய பழைய எடுத்துக்காட்டாக சுற்றுப் பிரகாரத்துடனும், நுழைவாயில் கோபுரத்துடனும் கடற்கரைக் கோவில் விளங்குகிறது.

மாமல்லபுரத்துப் பல்லவர் கோவில்களில் எல்லாம் முதலாம் பரமேச்சுவர வர்மன் காலம் வரை கருவறையில் உருவச் சிற்பங்களோ லிங்கங்களோ இருந்ததற்குச் சான்றுகள் இல்லை. சுவரில் சுதையிலாவது வண்ணங்களிலாவது உருவம் வரையப்பட்டிருக்கலாம்.

இதன்பின்னர் கருவறையில் சோமாஸ்கந்தர் உருவத்தைக் கல்லில் செதுக்கி வைக்கும் பாணி மிகப் பரவலாகப் பிந்தையப் பல்லவ காலம் வரை புழங்கி வந்தது.

மகாபலிபுரத்தில் பண்டைய கோவில் கட்டிடக் கலையின் நுணுக்கங்களையும் சிற்பக்கலையின் விளக்கமான திரிமூர்த்தி வகைகளும் ஒருங்கே காண்கிறோம். .

--இந்தியத் தொல்பொருள் ஆய்வுத்துறை.